SOVRE ERMANO I ERMANA



Por Fani Alyon Ender

Keridos lektores,


Antes de empesar kero ogurar a todos una buena i dulse inviernada yeno de salud buena, de risas i de munchas ermosuras !!


Despues de aver kedado serka de kuatro mezes sin eskrivir, ya vino la ora de tomar el klavye en la mano para rekonektarme kon vosotros. Vos rogo de perdonarme por una tan larga absensiya.


Asta agora vos eskrivi proverbos i dichas sovre membros serkanos de la famiya, komo ijo, ija, padre, madre … Vos estariyaj demandandando de ande los esto topando. La repuesta es, dos livros le aviamos aparejados kon mi mouy kerida amiga BEKI BARDAVID –ke este en Gan-Eden-, aze mas de 20 anyos. Estos livros eran el resultado de munchos anyos de lavoro, kon las eksplikasyones i traduksyones enTurko i Inglez. https://esefarad.com/?p=1316 I otro link :


https://www.cervantes.es/sobre_instituto_cervantes/publicaciones_espanol/publicaciones_centros/estambul/trezoro_sefaradi.htm


En una de mis futuras eskritas, vos prometo de dar munchos mas detalyos sovre estos livros. Los ke aki meldarash, es solamente mouy chikas sitasyones eskojidas del livro “Folklor de la famiya Djudiya”. Oy kero kontinuar kon dichas i proverbos sovre membros de la famiya: Ermana i Ermano.


*Entre padres i ermanos, no metes tus manos. (No te meskles de problemas entre miembros de otra famiya.)


*Ermanos I amigos seremeos, ma a las bolsas no tokaremos (La amistad se puede piedrer kuando el materyalismo entra en kestiyon).


* Ek ke no tiene ermano, no tiene ni piye ni mano. ( Un ermano keresnsiyozo es un grande apoyo I ayudo en la vida)


* Ken me kito el ojo ? Mi ermano. ( Al kontraryo de lo de ariva, el mal puede venir de la persona la mas serkana).


* Si miras kon muncha derechedad ermano, te kedas sin nada en la mano. ( ser muy derecho no es siempre rekomendado en siertas situasyones)


* Lo ke azes kon tu mano, no te lo aze ni tu ermano. ( Fiya te solo en ti mismo i no asperes ayuda de la djente)


* No deskuvres sekretos de tu alma, ni kon tu ermana .


* Ke salga de mi mano, ke vaya ande mi ermano. ( Ke no se vaya en manos de ajenos )


* (demando…) ‘para mi i para mi ermaniko’… ( se dize para personas ke tienen ojo grande i demandan mas ke lo ke le dan )


* Esta vijita tenga ermanos ( Ke vengash de muevo )


* Inche padrucho, beve ermanucho ! ( ven beveremos i mos emborracharemos!)


En semanas vieniendo, aspera para meldar otros mas sovre Ermuera i Esfuegra.


Kon un grande abraso.

46 visualizaciones
Crisis
VIDEO: Guerra en Ucrania. LGBT-fobia de Putin como herramienta geopolítica. Con Eli Rubashkyn.
¿No hay con quién para el 2022?
VIDEO: Tradición, Arte y Judaísmo. La obra de Roberto Brandwayn.
Adolf Eichmann: El mal no sigue ordenes
Religiones: ¿Por qué cambian? ¿Por qué permanecen?
VIDEO: Conversatorio con el Dr. Enrique Gomez, candidato presidencial Movimiento Salvación Nacional
VIDEO: Ahimsa. La filosofía de la No Violencia en Gandhi, Tolstoi y Thoreau. Prof. Castellanos
¡Sí a la democracia!
VIDEO: Homenaje a la memoria de Danny Voll. Pastores e iglesias, mayo 4, 2022.
Raquel Liberman y la Organización Zwi Migdal
VIDEO: Pseudociencia: Una instancia más de la irracionalidad contemporánea. Prof. Edgar Rodriguez.