top of page

SOVRE LA İJA





Por Fani Alyon Ender

Keridos lektores komo vos aprometi la vez pasada, oy vamos a konoser siertos proverbos sovre la İja. En tiempos pasados, nasimientos de ijas no eran tan bienvenidas en las famiyas por diferentes razones. La primera i la mas importante razon era la ekonomiya. Vini echaremos un ojo a lo ke pensavan i diziyan sovre las ijas : *İja, tanyedor i guerta, ande el vizino (porke todos los tres son kozas difisil a mantener i kavzan problemes i ansyas) *Rozas I ijas ande el vizino. (lo mismo ke el de antes) *La mujer ke es parida de ija no echa kortinas (no adorna su kaza) i no aze rijos (aparejos) – (la paridura de una ija no se aresive kon fiestas i allegriyas) *Ande ay ija de kazar, el Dio deve ayudar. *İja de kazar, fierro de mashkar. *İja de kazar, nave de enkargar. *Ken tiene ija de kazar, i en Shabat deve de lavorar.

*Buen mazal tengas ija, ke el saver poko te apresta ( el mazal es mas importante ke los estudios) *Kuando ija nase, yoran mizmo las piedras de la kaye. *Una ija: klavina, dos ijas: konjura, tres ijas: guay de akel padre. *Kaza a tu ijo komo keres, a tu ija komo puedes. ( al poder de tu situasyon material) *Ken ijo kriya oro enfila, ken ija kriya ansiyas enfila. *La ija en la fasha, la dota i el ashugar en la kasha. ( Se deve de aparejar desde el nasimiyento). *La ija kere buen fado, el ijo tresdoblado. (El ijo nesesita mas grande mazal i ventura) *Ni pesah sin tomar / sin matsa, ni ija sin kazar. (ke no mos de el Dio !) *Ni ija sin amor, ni vieja sin dolor. *La lumbre i la ventana kitan a la ija hiragana ( en mirando por la ventana, se asenta i no aze echo) *Mas vale ija kon maniya (kon profesyon) ke ijo por la marina (en lugares leshanos). *İja kazada sien novyos a la puerta. ( Munchas buenas propozisyones vienen despues ke la ija ya se kazo) *İjas i aziendas ( fortunas, kapital ) no se deshan en manos ajenas. ( se deve de bien konoser kon ken kazar la ija) *Bueno giza mi ija, kon la alkuza (el bokal de azeite) yena . (es fasil de gizar bueno kuando tienes todos los mijores produktos). *Eskoje tela de buena oriya ( borde) i ija de buena famiya. *Ande tu ija no vaygas en kada diya. *Mi ija aze i dezaze, sin azer nada no keda. ( se dize por ijas ke en paresyendo lavorar, en fakto no azen kozas util i non produisen nada ) *Nunka kamina mi ija, solo en diya de luvya. ( aze kozas a l’arroves i no util) * Por buen tiempo, por mal tiempo, a tu ija ambeza bueno. ( no se save en la vida… la edukasyon es importante) *Vo lo digo a vos ijas, para ke lo sienta mi ermuera ( del turko) Keridos lektores, malgrado ke las ijas eran visto kon menos ardor, tenemos tanbien proverbos ke las alavan : *Ken no tiene ija no tiene amiga. *No ay mijor amiga ke la madre kon la ija. *Siempre kon la ija, de la fasha asta la mortaja. (una ija nunka se Alesha de sus parientes) Ke tengaj buenas semanadas i al vermos kon proverbos sovre los IJOS

63 visualizaciones0 comentarios

Comments


The End of the Gentleman’s Agreement
From the Archives: Palestinians Cheer Carnage
The brutal syllogism of this war is a deathtrap for Israel
Israel’s Double-Edged Sword (Part III) - If Not Iron Dome, What?
En El Mediterráneo
Lágrimas de Shabat. Guerra de Fútbol
"One Simple Question" Revisited
Israel’s Double-Edged Sword (Part II). Military Tactic / Media Strategy.
¡¿En serio, marica?!
Why Israel should NOT have a “day after plan” for Gaza
Iron Dome: Israel’s Double-Edged Sword (Part I)
La fuerza de la Unidad: Lecciones de la Parasha Behaloteja
comente

Comentarios

Últimas publicaciones