top of page

SOVRE EL PADRE




Keridos lektores, Pensando a finalisar la seria de proverbos sovre la famiya, me rendi kuento ke manka “El Padre”. Siendo ke munchas de estas dichas i proverbos ya tuvieron lugar en las rubrikas de ijo, ija, mujer i madre, i tambien para no repetarlas, oy vos dare solamente una chika seleksyon tomada del livro “trezoro sefaradi”. *Azer ijos sin padres i enbiarlos a la eskola / a kaminar (se dize para los le kontan palavras sin realidad i falsaz –dedikodu-) * Aki muryo mi padre, aki me asento yo (aki es mi tierra, es mia i yo la protejare) *Bienes de mi padre tapan mi korkova. (La moneda i los bienes material pueden tapar los defektos de el ke la poseda) * De kualo se emprovesyo mi padre? De lo barato. (keryendo merkar barato, se pedre mas… importansa de komprar kozas de buena kalitad) *Lo barato entinye –kema- la kaza de mi padre. (mismo ke el de ariva) * Djoha kon su padre se dan a entender. (Djente ke se asemejan se entienden bien) * Djoha kuando no tiene por ken yorar, yora por su padre ke ya muryo (el anksioso siempre topara una razon para ansyear) *Espartyo el padre, para si la karne (se guadro el mijor bokado ) *Kuando da el padre, riye el ijo e riye el padre (todos kontentes); kuando da el ijo, yora el ijo i yora el padre. ( la amargura de un padre ke nesesita ayuda de los ijos) *No tiene ni padre, ni madre ni espirito santo (persona sin dinguna famiya i sin kreyensia) *Los guerfanos tienen munchos padres (tienen personas para protejar i tener kargo) *Padre es el ke mantiene I no el ke enjendra (un padraste puede ser mas karinyoso ke padre biolojiko) *Sin padre, ni perro ke ladre. Ay tambien munchas dichas i lokusyones sovre el padre. Aki vos seleksyoni unas kuantas de eyos:

*No so ijo de padre si no ago … (djuro o aprometo ke…)

*Ken es ? İjo del papu el padre (persona ke no se konose)

*Papu su padre en la meyana (no te ansyeyes, no te preokupes, mira tu keyf)

*En el tiempo de nuestros padres (en tiempos pasados)

*…Komo si fuera el bien de su padre (komo si era suyo)

*Es el ojo preto de su padre / madre (mouy kerido, el preferido)

*Un ijo de kada padre (se dize por kozas o personas metidas endjuntos ma ke no tienen dingouna relasyon entre eyos)

Ansi terminamos la seria de miembros de la famiya. A la ves ke viene, konoseremos proverbos sovre unos kuantos elementos de la vida social i familial de la vida djudiya komo: el kazamiento, el ashugar, boda, persona etc…

57 visualizaciones0 comentarios

Commentaires


10 necessary steps for the ‘day after’ in Gaza
Field of Fire: Fifty Years in Middle East Studies (Part III). - The Scorpion and the Frog-
Colombia: El Galardón del Infierno
None ever called Neville Chamberlain a Nazi. Why not?
Education and Universities
Lágrimas de Shabat. "Crómicas" de Shabat
Field of Fire: Fifty Years in Middle East Studies (Part II)
What follows?
Mascotas II. En la Guerra
Zikaron i Independensia
Cantar de los Cantares a la Dulcinea tropical
Sovre La Fiesta de las Madres (2)
comente

Comentarios

Últimas publicaciones