top of page

Sovre la Boda



Por Fani Alyon Ender

Keridos lektores i lektoras, en mis eskritas d’alkavo, vos konti sovre los miembros de la famiya, las ijas de kazar, i finalmente avlimos sovre los aparejos de kazamiento, la dota i el ashugar.


Nuestro tema de oy va ser “La Boda”. Komo ya se save una boda es koza bastante kanseriooza i kostoza. Me akodro ke muestros grandes diziyan “Una boda es una bora” (bora: tormenta en lingua Turka). Ansi es ke egzisten munchas dichas sovre este tema. Vos apareji una chika lista para oy:


  • Boda grande, boda chika, talamon se kere. (La boda kosta karo. Mismo si no se aze a la grande, se nesesita un minimum de gaste i aparejos)

  • Boda no se aze de esfongos, si no de groshes buenos. (Mismo sentido… Boda es gastes.)

  • Djoha izo una boda, todo para su golika / su tripika. (gola: boka) (se dize de una persona ke trava profito de toda buendad ke aze)

  • El loko aze la boda, el sezudo se lo goza.

  • Ken tiene mujer ermoza ke no vaya a la boda. (porke se la pueden arrevatar.)

  • La novya sarnudo, la boda se gasto. (se dize kuando un kontrato o un program es anulado sin una razon valuable)

  • Lo ke no se fada /no se aze en la boda, no se aze en la vida. ( Mas tadre sera mas difisil, lo mijor es de azer todo sin deshar para mas despues. )

  • Ni novya sin keshas, ni boda sin panderos. ( las novyas son keshaderas)

  • Ni novya sin sejas, ni boda sin keshas. ( La gente siempre toparan de avlar i de kritikar )

  • No ay boda sin panderos. ( Kada boda es grande ruidos, egzijensias i penas)

  • No se puede baylar en dos bodas en mismo tiempo. ( se dize kuando se kere azer dos kozas en mismo tiempo)

  • Todo el ke va a la boda echa sal en la oya. Es de uzo de partisipar al gaste, de una manera o otra… kon regalos o moneda…)

  • Ningun perro / gato no fuye de la boda. (… kerer profitar de lo bueno i tomar plazer…)

I agora unas kuantas dichas:


  • Arroz de boda - La tradisyon era de kozer i komer arroz blanko el dia de la boda en simbolo de pureza i de abundansia.

  • Gastar dos de boda i tres de tanyedores. – Dar mas grande importansia en detalyos ke en el esensial.

  • Gueso chupado de boda de proves. – Se dize para una persona muy flaka, o muy prove.

63 visualizaciones0 comentarios

Comments


Lágrimas de Shabat. "Crómicas" de Shabat
Field of Fire: Fifty Years in Middle East Studies (Part II)
What follows?
Mascotas II. En la Guerra
Zikaron i Independensia
Cantar de los Cantares a la Dulcinea tropical
Sovre La Fiesta de las Madres (2)
Sovre La Fiesta de las Madres (1)
¿Hay desproporción en la guerra en Medio Oriente?
Field of Fire: Fifty Years in Middle East Studies (I)
El judío errante
La ruptura con Israel:  ¿una cuestión personal? Una decisión que rezuma ideología y dogmatismo
comente

Comentarios

Últimas publicaciones